Tarazda avtobýstarda jolaqysyn kóterý usynyldy
TARAZ. QazAqparat - Tarazda jolaýshylar tasymalyna tarıfti 55-ten 65 teńgege kóterýdi usynyldy, dep habarlady ákimdiktiń baspasóz qyzmetine silteme jasap «QazAqparat» HAA tilshisi.
Jolaýshylarǵa jolaqy tarıfi 65 teńge, 1-11 synyp oqýshylaryna 30 teńge bolýy múmkin. «Bul usynys tamyz aıynda qalalyq máslıhat sessııasynda qaralady», - dedi ákimdik baspasóz qyzmetinen.
Ortasha bir kúnde Tarazda 201 myńdaı jolaýshy, jylyna - 73,4 mln adam tasymaldanady. Qoǵamdyq kólik, onyń qosalqy bólshegi, janarmaı, TKSh qyzmetine baǵanyń ósýin (27,8%) esepke alyp, avto tasymaldaýshylar taıaý úsh jylda qalalyq kólikte jolaýshylar tasymalyna tarıfti 65-70 teńge kóleminde belgileýdi usynady.
Sońǵy tórt jylda avtobýs parki 80 paıyzǵa jańardy. Búgin jolaýshylar tasymalymen 45 marshrýt boıynsha 11 kompanııa aınalysady.
Jambyl oblysy qoǵamdyq kólikte jolaqyǵa tómen tarıfti saqtap keledi..
2016 jyly avtotasymaldaýshylardyń talabymen soǵysqa qatysýshylar, ardagerler, «aýǵandyqtar», jesir, múgedek, kóp balaly analar, qurmetti azamattar, stýdentterge arnalǵan jeńildikter alyp tastalǵan.
