Tarazda avtobýs júrgizýshisi mas kúıinde jolaýshylardy tasymaldaǵan
TARAZ. KAZINFORM — Іshimdik iship kólikke otyrǵan tarazdyq avtobýs júrgizýshisi kólik basqarý qujatynan aıyryldy, dep habarlaıdy Kazinform tilshisi.
Oǵan 7 jylǵa deıin rólge otyrýǵa tyıym salyndy.
Oblys ortalyǵynda №17 baǵytta kele jatqan «ZHONG TONG» avtobýsynyń júrisi polıtseılerdiń kúdigin týǵyzǵan. Tártip saqshylary kólikti toqtatyp, tekserý júrgizgen. Medıtsınalyq saraptama nátıjesinde 55 jastaǵy avtobýs júrgizýshisiniń qanynda alkogoldiń bary anyqtaldy.
Avtobýstaǵy jolaýshylar men jol boıyndaǵy basqa da júrgizýshilerdiń ómirine qaýip tóndirgen azamat QR ÁQBtK-niń 608-babynyń 1-bóligimen («Kólik quralyn mas kúıinde basqarý») jaýapkershilikke tartyldy.
Sot aıyptalýshyny 15 táýlikke qamaýǵa alý týraly úkim shyǵardy. Bostandyqqa shyqqannan keıin de ol kólik júrgize almaıdy.
Taıaýda Pavlodar qalasynda avtobýs pen jeńil kóliktiń soqtyǵysýynan 7 adam zardap shekti.