Tarazda «Aýyl-Bereke» bazary órtendi
ASTANA. QazAqparat - Tarazada «Aýyl-Bereke» bazary órtendi. Bul týraly QR ІІM Tótenshe jaǵdaılar komıtetiniń resmı ókili Nursultan Nurahmetov aıtty, dep habarlaıdy QazAqparat tilshisi.
Onyń atap ótýinshe, búgin tańerteń saǵat 9:13-te órt sóndirý qyzmetiniń kezekshilik bólimine Mámbet batyr kóshesi boıyndaǵy «Aýyl-Bereke» bazary órtenip jatqandyǵy týraly aqparat kelip túsken.
«Shamamen 700 sharshy metrdi quraıtyn on dúńgirshektegi kıim-keshek órtengen. Saǵat 09:47-de órttiń aldy alynyp, 10:01-de tolyq sóndirildi. Qaza tapqandar men zardap shekkender joq. Órttiń shyǵý sebebi anyqtalyp jatyr», - dedi Nursultan Nurahmetov.
Resmı ókildiń dereginshe, órt sóndirýge Jambyl oblystyq TJD jeke quramynyń 49 mamany men 10 tehnıkasy jumyldyrylǵan.
Instagramdaǵy ZelloTaraz paraqshasynda órt kezinde túsirilgen vıdeo jarııalandy.
