Tarazda aýa raıynyń buzylýynan balabaqshalar men mektepter jumysyn toqtatty

TARAZ. QazAqparat – Jambyl oblysynyń Taraz qalasynda aýa raıynyń buzylýynan balabaqshalardyń jumysy toqtatylyp, mektepterde 1 jáne 2-aýysym úshin sabaqtar bolmaıdy, dep habarlaıdy QazAqparat.

Taraz qalasy bilim bóliminiń málimetine sáıkes, mundaı sheshim salalyq mınıstrlik buıryǵyn jáne Jambyl oblysy Tótenshe jaǵdaılar departamentiniń eskertý hatyn negizge ala otyryp, qolaısyz aýa raıy jaǵdaıynda oqýshylardyń ómiri men densaýlyǵyn qorǵaý maqsatynda qabyldandy.

«2022 jyldyń 15 qarashasy kúni bóbekjaı baqshalar úshin oqý-tárbıe protsesi jáne jalpy orta bilim beretin mekemelerdiń 1-inshi, 2-aýysymdary úshin sabaq toqtatylady», - delingen habarlandyrýda.