Tarazda aýa lastanǵan – Ekologııa mınıstrligi

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrliginiń Tarazda aýanyń lastanǵanyn anyqtady, dep habarlaıdy QazAqparat.

Mınıstrliktiń málimetterine qaraǵanda, Taraz qalasynda atmosferalyq aýa monıtorıngi 5 baqylaý beketterinde, sonyń ishinde 4 qol kúshimen alynatyn beketterde jáne 1 avtomattyq stantsııada júrgiziledi.

Jalpy qala boıynsha lastaný 16 kórsetkishke deıin anyqtalady:

1) qalqyma bólshekter (shań);

2) RM 2,5 qalqyma bólshekteri;

3) RM 10 qalqyma bólshekteri;

4) kúkirt dıoksıdi;

5) kómirtegi oksıdi;

6) azot dıoksıdi;

7) azot oksıdi;

8) ftorly sýtek;

9) formaldegıd;

10) ozon (jerbeti);

11) kúkirtsýtek;

12) benz(a)pıren;

13) marganets;

14) qorǵasyn;

15) kobalt;

16) kadmıı.

«2022 jylǵy 11 shildede aýa monıtorıngi nátıjesi aýada qalqyma bólshekter (shań), azot dıoksıdi, kúkirtti sýtegi boıynsha lastanýdyń kóterińki deńgeıin kórsetti»,-delingen mınıstrliktiń habarlamasynda.

Osyǵan deıin Tarazdy qoıý tútin basqany anyqtaldy.