Tarazda atystan eki adam jaralandy
ASTANA. QazAqparat - Tarazda bolǵan atys saldarynan birneshe adam jaralandy, dep habarlaıdy QazAqparat 24.kz-ke silteme jasap.
Oblystyq ishki ister departamenti dúısenbide resmı aqparat berýge ýáde etti. Degenmen juma kúni, keshki ondar shamasynda №1 qalalyq aýrýhanaǵa «jedel járdem» otty qarýdan jaralanǵan jigitti alyp kelgen. Jarty saǵat óter-ótpeste dál osyndaı jaraqatpen taǵy bir er adam ákelingen.
«Jas jigit sol aıaǵynan jaralanǵan, ekinshisiniń sol aıaǵyndaǵy jilinshigi zaqymdanǵan. Qajetti em-domnyń bári jasalyp, ambýlatorlyq emdelýi úshin turǵylyqty mekenjaılaryna jiberildi. Qalaı jaralanǵanyn ekeýi de aıtqan joq. Bireýi besinshi yqsham aýdanda, ekinshisi jetinshi yqsham aýdanda belgisiz birleýlerdiń oǵynan jaralanǵanyn ǵana aıtty», - deıdi Taraz №1 qalalyq aýrýhanasy bas dárigeriniń orynbasary Erbol Ordabekov.
