Tarazda aspaz qyzdy alyp qashqan jigit 7 jylǵa deıin sottalýy múmkin
NUR-SULTAN. QazAqparat – Aspaz qyzdy Tarazdaǵy doner satatyn jerden úılený maqsatynda urlap áketken. Polıtseıler qyzdy úıine qaıtardy, dep habarlaıdy QazAqparat Polisia.kz portalyna silteme jasap.
21 tamyz kúni saǵat 00.30-da kezekshi bólimge habar kelip túsken. Onda oblys ortalyǵyndaǵy dámhanalarynyń birinde 20 jastaǵy aspaz qyz urlanǵany aıtylǵan. Jedel-izdestirý sharasy barysynda polıtsııa qyzmetkerleri beıtanys qyzdy onyń kelisiminsiz úılený maqsatynda urlap ketken adamdy ustady.
Ol Talas aýdanynyń 23 jastaǵy turǵyny bolyp shyqty.
Atalǵan fakti boıynsha QR QK 2-bóligi 125-baby boıynsha sotqa deıingi tergeý amaldary bastaldy. Qyz úıine qaıtaryldy.
Jambyl oblystyq polıtsııa departamenti QR QK 2-bóligi 125-babyna sáıkes, qyzdy urlap ketken jigit tórt jyldan jeti jylǵa deıin bas bostandyǵynan aıyrylýy múmkin ekendigin eskertti.
