Tarazda áskerıler muz astynda qalǵan balany qutqardy
TARAZ. QazAqparat - Tarazda Tuńǵysh Prezıdent saıabaǵynda áskerı qyzmetkerler sýǵa batqan balany qutqardy, dep habarlaıdy «QazAqparat» HAA tilshisi.
«QazAqparat» HAA tilshisine QR ІІM Ulttyq gvardııasynyń 5513 áskerı bólimi komandıriniń tárbıe isi jónindegi orynbasary Tórehan Tórtbaev aıtqandaı, 5513 áskerı bóliminiń úsh áskerı qyzmetshisi Tuńǵysh Prezıdent saıabaǵyndaǵy jaıaý baǵyt boıynsha qoǵamdyq tártipti kúzetken.
«ІІM Ulttyq gvardııasy áskerı jasaǵynyń bastyǵy qatardaǵy Abzamov jáne patrýldik qatardaǵy Aıapbergenov pen Satybaldıev muz jamylǵan bógetten kómek suraǵan daýys estigen. Tolyq muz qatyp úlgermegen tereńdigi bir jarym metr bógetke bala túsip ketip, shyǵa almaı kómek suraǵan. Patrýldiń biri bógetke súńgip, qalǵan ekeýi jaǵada turyp balany shyǵaryp aldy», - deıdi maıor Tórtbaev.
Tez arada Dereý jaýap berý qyzmetiniń kóligi kelip, áskerılerdi sanıtarlyq bólikke, al balany ata-anasyna jetkizgen. Qazirgi tańda ekeýiniń de jaǵdaıy birqalypty. Qutqarylǵan balanyń ata-anasy áskerı bólimniń komandırine alǵys hat jazdy, dep atap ótti QR ІІM Ulttyq gvardııasynyń 5513 áskerı bólimi komandıriniń tárbıe isi jónindegi orynbasary.
