Tarazda anasymen ursyp qalǵan jasóspirim qyz úıinen qashyp ketti
TARAZ. QazAqparat - Tarazda joǵalǵan jasópirim qyzdy Jambyl garnızonynyń búkil jeke quramy izdedi, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, qyzdyń joǵalǵanyn polıtsııaǵa anasy habarlaǵan. Jasóspirim otbasyndaǵy janjaldan keıin úıden shyǵyp ketken, sodan qaıtyp oralmaǵan.
«Kámelet jasyna tolmaǵan qyzdy Jambyl oblystyq polıtsııa departamentiniń búkil jeke quramy izdedi. Ol barýy múmkin jerlerdiń bári túgel qaralyp, tekserildi. Anasynyń aıtýynsha, balanyń psıhologııalyq buzylysy bar, ıaǵnı «aqyly azdap kemis». Polıtseıler jasóspirimdi tabý úshin jaqyn mańdaǵy kóshelerdi aralap, ony kórýi múmkin kýágerlerden jaýap aldy. Birneshe saǵattan keıin qyz tabyldy» dep málim etti vedomstvodan.
Keıin anyqtalǵandaı, jasóspirim túzeý klasynda bilim alady. Keshkisin anasymen ursyp qalǵannan keıin ol mektepke ketken. Alaıda mektepke kelgende onda eshkim bolmaǵan.
Qyz bilim oshaǵynyń janyndaǵy oryndyqta otyrǵanda tártip saqshylarynyń kózine túsken.
«Onyń densaýlyǵy men ómirine eshqandaı qaýip tóngen joq. Balaǵa eshkim zábir kórsetpegen» dep tolyqtyrdy departamentten.
