Tarazda anasy eki balasyn terezeden laqtyryp jiberdi
ASTANA. KAZINFORM — Besinshi qabattan qulaǵan eki bala aýyr jaǵdaıda aýrýhanaǵa jatqyzyldy. Olarǵa qajet kómek kórsetilip jatyr. 5 jasar qyzǵa erteń operatsııa jasalady.
Oblys ortalyǵynyń 36 jastaǵy turǵyny aýyr emotsıonaldyq jaǵdaıda 5 jasar qyzyn jáne 3 jasar ulyn birinen soń birin terezeden laqtyryp jiberdi. Sodan keıin ol ózi de sekirmek bolǵan. Eki bala tiri qaldy, biraq aýyr jaǵdaıda jansaqtaý bólimine jetkizildi.
Dárigerlerdiń aıtýynsha, balalar qatty zardap shekken jáne qazir baqylaýda jatyr.
2021 jyly týǵan bala aýrýhanaǵa kóptegen jaraqatpen tústi. Dárigerler bas jaraqaty jáne mıdyń qabynýy, sondaı-aq jambas súıeginiń synýy dıagnozyn qoıdy. Sondyqtan qyz balanyń synǵan súıekterin qalpyna keltirý úshin operatsııa jasalmaq.
2023 jyly týǵan bala bas mıynyń jaraqaty dıagnozymen aýrýhanaǵa tústi. Oǵan kompıýterlik tomografııa jáne birqatar tekserý jasaldy.
Polıtsııa málimetine qaraǵanda, kúdikti ustalyp, ýaqytsha ustaý ızolıatoryna qamaldy.
Bul oqıǵa boıynsha eki kámeletke tolmaǵan balany óltirýge oqtalý deregi boıynsha sotqa deıingi tergeý bastaldy.
Eske sala keteıik, 2025 jyly 30 shilde kúni Pavlodarda áıel eki balasyn terezeden laqtyryp, ózi de sekirip ketken.