Tarazda alty saǵattyń ishinde 30 sm qar jaýdy
TARAZ. QazAqparat - Sınoptıkterdiń boljaǵanyndaı, búgin Jambyl oblysynyń aýdandary men Taraz qalasynda qalyń qar jaýdy, dep habarlaıdy «QazAqparat» HAA tilshisi.
Alty saǵattyń ishinde túsken qardyń bıiktigi oblys ortalyǵynda 25-30 sm jetken jáne qardyń áli jaýýda.
Jambyl oblystyq TJD «Jedel-qutqarý jasaǵy» MM Jýaly aýdanynda (Tarazdan 60 shaqyrym qashyqtyqta) bir táýliktiń ishinde B.Momyshuly-Qoshqar ata tasjolynyń 35 shaqyrymynda qar qursaýynda qalyp qoıǵan 6 mashınany shyǵaryp, 11 adamdy aýdan ortalyǵy - B.Momyshuly aýylyna evakýatsııalady.
QR TJM deregine súıensek, búgin saǵat 18:10-nan bastap aýa raıynyń qolaısyzdyǵyna baılanysty (qalyń qar túsýi) respýblıkalyq mańyzy bar «Almaty-Tashkent» tasjolynyń 534-593 shaqyrym aralyǵyndaǵy Aısha bıbi aýylynan OQO shekarasyna deıingi bóliginde barlyq kólik túrleriniń qozǵalysyna tyıym salyndy.
Qazirgi tańda Tarazda aýa temperatýrasy - 10 gradýs nólden tómen. Oblys boıynsha qalyń qar jaýyp, kóktaıǵaq oryn alady dep boljanýda. Aýa temperatýrasy túnde -15 -20, keı jerlerde -25-ke deıin jetip, al kúndiz -8 -13, keıbir bóliginde -16 gradýs aıaz bolady dep kútilýde.
