Tarazda alǵash ret júrektiń qolqa klapany plastıkamen almastyryldy
TARAZ. QazAqparat – Jambyl oblysyndaǵy Kardıohırýrgııa jáne transplantologııa ǵylymı-klınıkalyq ortalyǵynda Ýkraınadan jáne elimizdiń bas qalasy Nur-Sultannan kelgen kardıohırýrgııa maıtalmandary óńirde buryn-sońdy jasalmaǵan júrektiń orta klapanyna plastıka qoıýǵa arnalǵan sheberlik synybyn ótkizdi,- dep habarlaıdy QazAqparat tilshisi.
Bir aptanyń ishinde oblystaǵy bes jas patsıentke jasalǵan otanyń barlyǵy sátti ótip, júrek klapandary aýystyrylǵan jasóspirimder bir táýlikten soń, jaǵdaılary jaqsaryp, ózderine kelgen.
Ýkraınadaǵy alǵashqy júrek transplantatsııasynyń avtory, ekonomıkalyq tıimdi densaýlyq saqtaý men órkenıetti transplantologııa menedjmentin qalyptastyrýshy, kardıohırýrg, professor, Ýkraınanyń eńbek sińirgen dárigeri, Júrek ınstıtýtynyń dırektory, qoǵam qaıratkeri, bloger Borıs Mıhaılovıch Todýrov (Kıev) Taraz qalasyna alǵash ret kelgenin aıtady.
- Qazaqstanda kardıohırýrgııa qyzmeti sońǵy 15 jylda qarqyndy damyp keledi. Damyǵany sonshalyqty, búginde plastıkalyq hırýrgııanyń jańa ádis-tásilderi paıda bolypty. Jalpy, Qazaqstannyń kardıohırýrgteriniń deńgeıi óte joǵary. Júrekke jasalatyn jaı otadan bastap, ony almastyrýǵa deıin jetken. Osy Taraz qalasyna kelgeli beri búgingi úshinshi kúnde besinshi otany jasadym. Bul ota – Qazaqstan-Ýkraına arasyndaǵy yntymaqtastyq jónindegi memorandým aıasynda óńirde alǵash ret jasalyp otyr. Aldaǵy ýaqytta osy klınıka dárigerleri bul operatsııany ózderi-aq jasaıtyn bolady. Men osy eldiń jas patsıentterine ekinshi ómir syılap, qysylyp qalǵan klapandarynyń qolqa tamyrlaryna qan júrip, densaýlyqtarynyń jaqsarýyna jaǵdaı jasap jatqanyma qýanyshtymyn, – deıdi B.Todýrov.
