Tarazda alǵash ret tegin bilim beretin jekemenshik mektep-gımnazııa ashylady
TARAZ. QazAqparat – Jambyl oblysynda aldaǵy jańa oqý jyly qarsańynda tegin bilim beretin alǵashqy jekemenshik mektep-gımnazııany ashý josparlanyp otyr. Aımaq basshysy Berdibek Saparbaev tórt qabatty ǵımarattyń qurylys jumystarymen tanysty, dep habarlaıdy QazAqparat oblys ákiminiń baspasóz qyzmetine silteme jasap.
«ARAI-ELITE» jekemenshik elıtalyq mektep-gımnazııasy - tegin bilim beretin oblystaǵy alǵashqy jekemenshik bilim ordasy bolmaq. Ótken jyldyń tamyz aıynda irgesi qalanǵan nysannyń qurylysy qyzý júrgizilýde. Bas merdiger «Araıqurylysmarket-2003» jaýapkershiligi shekteýli seriktestiginiń ókilderi ǵımaratty jańa oqý jyly bastalǵansha paıdalanýǵa berýge ýáde berip otyr.
Jumys sapary kezinde Berdibek Saparbaev qurylystyń barysymen jan-jaqty tanysty. Tórt qabatty ǵımarat 1025 oqýshyǵa shaqtalǵan. 41 oqý kabıneti, kompıýter synyby, hımııa, bıologııa, fızıka pánderiniń zerthanalyq kabınetteri, májilis zaly, ashanasy bar. Sondaı-aq balalarǵa arnap fýtbol jáne basketbol alańdary men oıyn alańshalary salynbaq.
Budan soń oblys ákimi barǵan kelesi nysan – «ARAI» medıtsınalyq ortalyǵy boldy. Bul ǵımarattyń rekonstrýktsııalyq jumystarymen de «Araıqurylysmarket-2003» kompanııasy aınalysýda. 1972 jyly salynǵan ǵımarat kópten beri jóndeý jumystaryn qajet etýde. Medıtsınalyq ortalyqta statsıonarlyq, statsıonarǵa jatqyzý, ambýlatorlyq-emhanalyq kómek qyzmetterin kórsetiledi.
Munda jalpy hırýrgııa jáne jalpy terapııa bólimderi jumys isteıdi. Bas dáriger Aıdarbek Ábdiǵalıevtiń aıtýynsha medıtsınalyq ortalyqtyń bir bóligi burynǵy qalpynda jumys istep, dárigerler áli de naýqastardy qabyldaýda. Koronavırýs pandemııasy jaǵdaıyna baılanysty dezınfektsııalyq dáliz uıymdastyrylǵan.
Aımaq basshysy sapaly qurylys materıaldaryn qoldanyp, nysandy merziminde paıdalanýǵa berýdi mindettedi.
