Tarazda alaıaqtarǵa kómek kórsetken kúdiktiler qolǵa tústi

TARAZ. KAZINFORM – Tarazda alaıaqtarǵa SIM-kartalar taýyp berip otyrǵan kúdiktiler ustaldy, dep habarlaıdy Polisia.kz.

Jambyl oblysy polıtsııa departamentiniń kıberqylmysqa qarsy is-qımyl basqarmasy júrgizgen arnaıy jedel-izdestirý is-sharalarynyń nátıjesinde Taraz qalasynda azamattardyń jeke derekterin paıdalanyp, SIM-kartalardy tirkep, krıptovalıýta arqyly tabys tapqan eki kúdikti anyqtaldy.

Olardyń páterin tintý barysynda telefondar, noýtbýk jáne SIM-kartalary tárkilendi. Atalǵan derek boıynsha sotqa deıingi tergep-tekserý bastaldy.

Tergeý barysynda kúdiktiler Telegram jelisindegi ınternet-alaıaqtardyń toptaryna qosylyp, sol jerde jiberilgen azamattardyń JSN derekterine SIM-kartalardy zańsyz tirkep otyrǵany anyqtaldy.

Bul nómirler arqyly alaıaqtar azamattarǵa habarlasyp, túrli qyzmet ókilderi retinde aldap, alaıaqtyqpen aqshany zańsyz ıemdenip otyrǵan. Árbir tirkelgen nómir úshin kúdiktilerge 3-5 USDT kóleminde krıptovalıýta tólengen.

Polıtsııa azamattardy kúmándi onlaın-jumystarǵa kirmeýge jáne jeke derekterin bógde adamdarǵa bermeýge shaqyrady.

Aıta keteıik, SQO-da jyl basynan beri ınternet alaıaqtyqtyń 110 deregi tirkeldi.

Al Pavlodarda alaıaqtyq jasaǵan advokat sottaldy.