Tarazda alaıaq 250 myń teńgege júrgizýshi kýáligin alýǵa kómektespek bolǵan
TARAZ. QazAqparat – Tártip saqshylary birqatar alaıaqtyq oqıǵasyn jasaǵany úshin Taraz qalasynyń turǵynyn ustady, -dep habarlaıdy QazAqparat tilshisi.
Polıtsııaǵa belgisiz er adamnyń «júrgizýshi kýáligin jedel alyp beremin» degen syltaýmen olardyń 250 myń teńgesin ıemdenip ketkeni týraly 3 shaǵym túsken.
«Atalǵan derekke qatysty Qylmystyq kodekstiń 190-baby (Alaıaqtyq) boıynsha sotqa deıingi tergeý amaldary bastaldy. Jedel-izdestirý sharalary barysynda polıtsııa qyzmetkerleri oblys ortalyǵynyń 37 jastaǵy turǵynyn anyqtap, ustady», - delingen oblystyq polıtsııa departamentiniń baspasóz qyzmeti taratqan habarlamada.
Qazirgi tańda kúdikti kinásin moıyndady, alaıaqtan zardap shekken ózge de tulǵalardy anyqtaý boıynsha tergeý amaly júrgizilip jatyr.
