Tarazda alańdaǵy toǵyzqumalaqtan ashyq týrnır ótti
TARAZ. QazAqparat - Taraz qalasynda «Alańdaǵy toǵyzqumalaq» ulttyq komandalyq oıynynan Jambyl oblysynyń ashyq týrnıri aıaqtaldy, dep habarlaıdy QazAqparat tilshisi.
Aımaqtyq Dene shynyqtyrý jáne sport basqarmasy ókilderiniń aıtýynsha, 27-28 qarasha kúnderi «Taraz-Arena» sport saraıynda Jambyl oblysy aýdandarynan, Taraz qalasynan, sondaı-aq Qyzylorda oblysynan kelgen júzden astam jas sportshy ózara myqtyny anyqtaǵan.
Týrnırde Qyzylordalyq sportshylar birinshi oryndy ıelendi. Jambyl oblysynyń Qordaı aýdany ekinshi bolsa, úzdik úshtikti merkilikter túıindedi.
Jarysty Jambyl oblystyq Dene shynyqtyrý jáne sport basqarmasy Toǵyzqumalaq federatsııasymen birlese ótkizdi.
Uıymdastyrýshylardyń sózine qaraǵanda, alańdaǵy toǵyzqumalaq «Rýhanı jańǵyrý» memlekettik baǵdarlamasynyń «Rýhanı qazyna» shaǵyn baǵdarlamasyna engizilgen. Osyǵan baılanysty, ulttyq sport túrin 7-18 jas aralyǵyndaǵy oqýshylar arasynda nasıhattaý maqsatynda jarystar ótkizilip turady.
