Tarazda aqsha urlaǵan eki boıjetken 5 jylǵa sottalýy múmkin
TARAZ. QazAqparat – Tarazda saýda úıinde qala turǵynynyń qol sómkesinen aqsha urlaǵan eki qyz ustaldy, dep habarlaıdy QazAqparat tilshisi.
Tarazda qala turǵynynyń qol sómkesinen 262 myń teńgeni jymqyrǵan 19 jastaǵy eki qyz ustaldy. Oqıǵa Tarazdaǵy saýda úıiniń birinde bolǵan. Bul týraly oblystyq polıtsııa departamentiniń baspasóz qyzmeti habarlady.
«QR Qylmystyq kodeksiniń 188-baby 2-bóligi «Urlyq» baby boıynsha sotqa deıingi tergeý bastaldy. Ustalǵandar óz kinálárin moıyndady. Qyzdar bes jylǵa deıin bas bostandyǵynan aıyrylýy múmkin» delingen habarlamada.
Jambyl oblysynyń polıtsııa departamenti turǵyndardy saq bolýǵa jáne qaýipsizdik erejelerin saqtaýǵa shaqyrady.
