Tarazda ákesiniń kóligin ruqsatsyz aıdap ketken bala apatqa ushyrap, joldasy qaza tapty

TARAZ. QazAqparat - Jambyl oblysynda ruqsatsyz kólik aıdaǵan jasóspirim jasaǵan jol-kólik oqıǵasynan jolaýshy qaıtys boldy, dep habarlaıdy QazAqparat.

1 qarasha saǵat 21:30-da «Taraz-Aısha bıbi» avtojolynyń 1-shaqyrymynda jol-kólik oqıǵasy boldy.

15 jasar jasóspirim Aısha bıbi aýylynan Taraz qalasy baǵytyna kele jatyp, kólikti basqara almaı, joldyń qarsy jolaǵyna shyǵyp ketip aǵashqa soǵylǵan.

Júrgizýshiden basqa kólikte taǵy úsh jasóspirim bolǵan.

Jol apaty saldarynan 14 jasar jolaýshy oqıǵa ornynda alǵan dene jaraqatynan qaıtys boldy.

Júrgizýshi jáne ártúrli dene jaraqaty bar eki jasóspirim oblystyq balalar aýrýhanasyna jetkizildi.

Osy derekke qatysty Qylmystyq kodekstiń 345-baby 3-bóligimen sotqa deıingi tergeý amaldary bastaldy.

Birqatar qajetti saraptamalar taǵaıyndaldy.

Sondaı-aq, jasóspirimniń ata-ana ruqsatynsyz úıden ákesine tıesili kóliktiń kiltin alǵany anyqtaldy.