Tarazda aktsııa aıasynda 20 kg marıhýana, 1 kg geroın órteldi
TARAZ. QazAqparat - Jambyl oblystyq polıtsııa departamenti esirtki qylmysyna qarsy kúres basqarmasynyń uıymdastyrýymen «Nashaqorlyqsyz bolashaq» atty aktsııa ótti, dep habarlaıdy QazAqparat.
Oblys ortalyǵyndaǵy «Jeńis» saıabaǵynda ótken «Nashaqorlyqsyz bolashaq» jastar aktsııasyna qatysýshylar jınalǵandardy zııandy zattardan aýlaq bolyp, salaýatty ómir saltyn ustanýǵa shaqyrdy.
Aktsııa barysynda nashaqorlyq pen esirtki bıznesiniń aldyn alý maqsatynda kınolog mamandar jáne «Arlan» arnaıy jasaǵy qoıylymdar qoıdy. Sondaı-aq, jıylǵan kópshilik úshin vıktorınalyq suraqtar men arqan tartys, gir kóterý oıyndary da uıymdastyryldy. «Temekini tasta, jańa ómirdi basta» atty eriktiler ustaǵan qoraptar kópshilik arasyna jol tartty. Temekini almamen almastyratyn bul kórinis kópshiliktiń kóńilinen shyqty.
Jıyn sońynda qaryshtap etek alyp kele jatqan esirtkini joıý maqsatynda 20 keli marıhýana jáne 1 keli geroın salynǵan eki qap jıylǵan jurt aldynda órteldi.
Oblystyq polıtsııa departamenti esirtki qylmysyna qarsy kúres basqarmasynyń bastyǵy Ashat Almetov atalmysh aktsııanyń jylda dástúrli túrde ótkizilip kele jatqanyn aıtyp, jıynnyń maqsat-mazmunyna toqtaldy.
