Tarazda adam quqyqtaryn qorǵaýdyń halyqaralyq praktıkasynyń qyrlary talqylandy
Kezdesý qatysýshylar - QR Prezıdenti janyndaǵy adam quqyqtary komıssııasynyń, jergilikti quqyq qorǵaý jáne sot organdarynyń, bilim, densaýlyq saqtaý jáne mádenıet mekemeleriniń, azamattyq qoǵam, sondaı-aq Astanadaǵy EQYU baǵdarlamalary keńsesiniń ókilderi boldy.
Tyńdaýshylar aldynda Jambyl oblysy ákiminiń orynbasary Erqanat Mánjýov, QR Prezıdenti janyndaǵy adam quqyqtary komıssııasynyń hatshysy Tastemir Ábishev jáne Astanadaǵy EQYU baǵdarlamalary keńsesiniń basshysy Natalıa Zarýdna quttyqtaý sóz sóıledi. Talqylaý barysynda tyńdaýshylar BUU-nyń adam quqyqtary salasyndaǵy baqylaý fýnktsııalarymen, BUU qurǵan baqylaý organdarynyń quzyretimen tanysty, Birikken Ulttar Uıymynyń tıisti komıtetterinde azamattardyń jeke shaǵymdaryn qaraý tetikterin talqylady.
Qazaqstandaǵy adam quqyqtaryn qorǵaýdyń ulttyq júıesi týraly aıta kelip, tyńdaýshylar adam quqyqtary jónindegi ulttyq mekemelerdiń sottarmen, memlekettik organdarmen, adam quqyǵyn sottan tys qorǵaýdyń basqa da ınstıtýttarymen ózara is-qımylyn talqylady. Ekonomıkalyq daǵdarys jaǵdaıynda Qazaqstan Respýblıkasy azamattarynyń, bizdiń elimiz aýmaǵynda turaqty nemese ýaqytsha turatyn basqa da tulǵalardyń eńbek, áleýmettik-ekonomıkalyq quqyqtaryn qorǵaýdyń ózekti máseleleri talqylandy.
Sonymen birge, tyńdaýshylar qoǵamdaǵy yqtımal eńbek jáne áleýmettik janjaldardiń aldyn alý jáne sheshý tetikterimen tanysty.
Komıssııanyń músheleri men sarapshylary T.Ábishev, R.ıÝrchenko jáne K.Aıtýǵanov naqty mysaldarmen tyńdaýshylarǵa adam jáne azamattyń quqyqtary men bostandyqtary týraly ǵana emes, azamattardyń memleket pen qoǵam aldyndaǵy mindetteri, qazaqstandyq qoǵamnyń barlyq jikteriniń quqyqtyq deńgeıin kóterý problemalary jaıly aıtyp berdi.
Semınar-trenıngtiń sońynda Memleket basshysynyń bes ınstıtýtsıonaldyq reformalary jáne «100 naqty qadamdy» júzege asyrý tetikteri talqylandy, dep habarlady Jambyl oblysy ákimdiginiń ishki saıasat basqarmasynan.
