Tarazda 90 paıyz qazaqstandyq qamtý negizinde jańa shaǵyn aýdan salynýda
TARAZ. QazAqparat - Taraz qalasy «Araı» alqabynda jańa shaǵyn aýdan salynýda, dep habarlady Taraz qalasynyń ákimdigine silteme jasap «QazAqparat» HAA tilshisi.
2014 jyly jańa «Araı» alqabynda 14 gektar aýmaqta kóppáterli úı salý jumystary bastalǵan. 2015 jyly «Turǵyn úı jınaq banki» jelisi boıynsha eki 65 páterlik turǵyn úı salynyp, paıdalanýǵa berildi. Úıdi UOS ardagerleri, memlekettik jáne áskerı qyzmetshiler, bıýdjet qyzmetkerleri, kópbalaly otbasylar, jetim balalar aldy. 2016 jyly QR Táýelsizdiginiń 25 jyldyǵyn merkeleý qarsańynda «Nurly jol» baǵdarlamasy aıasynda salynǵan jańa úıden 80 otbasy páter aldy.
Qazir «Araı» alqabynda 80 páterlik 12 besqabatty úı salynýda. Qurylys 2016 jyly bastalǵan. Úıdiń bóligi osy jylǵy mamyrda tapsyrylady. Eki jańa úıdi osy jyly naýryzda «Bınom» jáne «Agrospetsstroı» sala bastady. Ol 2018 jyly aıaqtalady. Tarazda jalpy 960 páter salynýda.
Taraz ákimi Rústem Dáýlet qurylys barysyn qarap, qurylysshylarmen sóılesip, nátıjesine kóńili toldy.
«Jambylhımstroıınjenerıng» JShS dırektory ıÝrııa Mınakovanyń aıtýynsha, kompanııa 6 128 sharshy metr 80 páterlik besqabatty úıdi aıaqtap qaldy.
