Tarazda 9 el ókilderiniń qatysýymen agrohımııalyq forým ótip jatyr
TARAZ. QazAqparat – Tarazda Azııanyń 8-shi agrohımııalyq forýmy ótýde. Oǵan Qazaqstan, Reseı, Ýkraına, Belarýs, Ózbekstan, Qyrǵyzstan, Tájikstan, Aýǵanstan, Lıtva elderiniń aýyl sharýashylyǵy qurylymdary men mıneraldy tyńaıtqyshtar óndirýshi zaýyttarynyń ókilderi qatysýda, dep habarlaıdy QazAqparat oblys ákiminiń baspasóz qyzmetine silteme jasap.
Aıta keteıik, atalǵan shara bıyl besinshi jyl qatarynan álemdegi eń úlken fosforıt basseıni bar, elimizdiń hımııa ındýstrııasyn damytý ortalyǵy bolyp sanalatyn Jambyl oblysynda uıymdastyrylýda. Forýmdy ótkizýge Mıneraldy tyńaıtqyshtardyń iri óndirýshileri – «Qazfosfat» JShS, «EvroHım» MHK AQ, «QazAzot» AQ jáne «Marker Grýpp» aqparattyq-taldaý kompanııasy muryndyq bolyp otyr.
«Qazfosfat» JShS Bas dırektory Muqash Eskendirovtiń aıtýynsha, sharany ótkizýdegi basty maqsat – agrohımııalyq salanyń kómegimen topyraqtyń qunarlylyǵyn, aýyl sharýashylyǵy óndirisiniń ónimdiligi men tıimdiligin arttyrý, AÓK agrohımııalyq ónimniń ishki suranysyn eseleý.
«Biz tek birlese jumys jasasaq qana agrohımııalyq keshen júıesin adan ári damyta alamyz», - dedi M.Eskendirov.
Forým jumysyna Jambyl oblysynyń ákimi Berdibek Saparbaev arnaıy qatysyp, quttyqtaý sóz sóıledi.
- Hımııa salasy úshin paıdaly qazbalar qorynyń 75 paıyzy Jambyl oblysynda shoǵyrlanǵan. Bul oraıda ónerkásiptik ónim eksportynyń 30 paıyzy «Qazfosfat» JShS-niń zaýyttaryna tıesili. Bul forým elimizdiń agrarlyq-ónerkásiptik keshenin damytýǵa aıtarlyqtaı serpin beredi dep úmittenemin, - dedi B. Saparbaev.
Jambyldyq sharýa qojalyq basshysy Hamıtolla Baınazarov qant qyzylshasyn ósirý úshin mıneraldy tyńaıtqyshtardy satyp alýǵa sýbsıdııa mólsherin ulǵaıtý, tuqymdy kúzde emes, kóktemgi egis aldynda alý máselesin kóterdi.
Sondaı-aq, «AÓK qazaqstandyq iskerlik keńesi» qaýymdastyǵynyń basqarma tóraǵasy Arman Evnıev «agroındýstrıaldy Qazaqstan 2030» strategııalyq bastamasy týraly jan-jaqty túsindirdi.
Berdibek Saparbaev A.Evnıevtiń óńirlik klasterlerdi qurý ıdeıasyn qoldady. - Bizdiń oblysta ıeliginde 5-10 gektar jeri bar 18 myńnan astam sharýa qojalyǵy tirkelegen. Olardyń aınalym qarajaty, tehnıkalyq áleýeti, sapaly tuqym men tyńaıtqyshtardy satyp alý múmkindigi joq. Biz olardy irilendire otyryp, kooperatıvter qurý jumystaryn júrgizetin bolamyz, - dedi B. Saparbaev.
Agrohımııalyq forým agroónerkásiptik jáne agrohımııalyq bıznesti júrgizýdiń ozyq ádisterin, tyńaıtqyshtardy qoldanýdyń zamanaýı ádisterin jáne agronomııalyq ǵylymdy damytýdyń asa mańyzdy máselelerin talqylaýǵa múmkindik berdi.
