Tarazda 86 jastaǵy ájeı koronavırýsty jeńip shyqty
TARAZ. QazAqparat – Jambyl oblysynda koronavırýstan saýyqqan naýqastardyń sany artýda, dep habarlaıdy QazAqparat oblys ákimdiginiń resmı saıtyna silteme jasap.
24 sáýir kúni statsıonardan eki adam emdelip shyqty. Onyń biri - 1985 jyly týǵan turǵyn. Ol KVI tasymaldaýshysymen baılanysta bolǵany úshin aýrýhanaǵa jatqyzylǵan.
Jýyrda qyzy Nur-Sultan qalasynan kelgen Taraz qalasynyń 1934 jylǵy turǵyny da dertti jeńip shyqty.
Qart áıel shuǵyl emdeý úshin qalalyq aýrýhanaǵa jetkizilgen bolatyn. Odan KVI-ǵa alynǵan qan taldaýy oń nátıje kórsetken. Otadan keıin áıel oblystyq kópbeıindi aýrýhananyń juqpaly aýrýlar bólimine aýystyrylǵan. Emdeý sharalarynyń nátıjesinde ol dertten aıyqty.
Jalpy aımaqta koronavırýstan 42 adam jazylyp ketken.
