Tarazda 80 páterlik turǵyn úıdiń qurylysy aıaqtalýda
TARAZ. QazAqparat - Turǵyn úı qurylys jınaq banki jáne Jambyl oblysynyń ákimdigi «Nurly jol» baǵdarlamasy aıasynda 6 kóppáterli turǵyn úıdi paıdalanýǵa berýdi josparlap otyr. Bul týraly Óńirlik kommýnıkatsııalar qyzmetinde ótken brıfıngte aıtyldy.
«Qazaqstannyń turǵyn úı qurylys jınaq banki» AQ Jambyl oblystyq fılıalynyń dırektory Evgenıı Sharygın habarlaýynsha, óńirde jalpy aýmaǵy 37 myń sharshy metrli 480 páter paıdalanýǵa beriledi. Olar salynyp bitken soń, 1 sharshy metri úshin 116 myń teńgemen ótkiziledi jáne 2017 jyldyń tamyz aıynda tapsyrylady.
- Óńirlerdi damytýdyń 2020 jylǵa deıingi baǵdarlamasy aıasynda Turǵyn úı qurylys jınaq banki men ákimdik arasynda «Halyqtyń barlyq sanaty úshin turǵyn úı» baǵyty boıynsha 7 kóppáterli turǵyn úıge arnalǵan Yntymaqtastyq týraly kelisimge qol qoıyldy. Qazirgi tańda, olardyń jalpy aýmaǵy 31,6 myń sh.m. quraıtyn 399 páterli 6 turǵyn úıi berilip te qoıdy, dedi fılıal dırektory.
Bıylǵy jyldyń sońǵy toqsanynda «Araı» alqabynan jalpy aýmaǵy 6,179 myń sharshy metrlik 80 páterli turǵyn úıdi paıdalanýǵa berý josparlanyp otyr. Qazirgi tańda osy nysandar boıynsha páterlerdi satyp alýshylar quny qurylyp ta qoıdy jáne bank salymshylary páterlerdi satyp alý úshin, qajet qujattardy daıyndalýda.
«Jalpy Jambyl oblysyndaǵy Turǵyn úı qurylys jınaq banki 2005 jyldan beri jumys istep keledi. Qazirgi tańda, osy óńirde QTQJB-nyń 22 myń salymshysy turyp jatyr. Olardyń banktegi jınaǵynyń jalpy somasy 7 811 mln. teńgeden asady. Osy jyldyń basynan beri 4 027 jańa TQJ sharty jasalǵan. Al, aldyńǵy jyly 2,5 mıllıard teńge kóleminde kredıt berilgen» - dep málimdedi Evgenıı Sharygın.
