Tarazda 69 jastaǵy turǵynnan koronavırýs anyqtaldy
TARAZ. QazAqparat – Jambyl oblysynda koronavırýs dertin juqtyrǵan jańa jaǵdaıǵa qatysty málimet jarııalandy. Bul týraly QazAqparat Jambyl oblysy ákimdigine silteme jasap habarlaıdy.
Aǵymdaǵy jyldyń 2 sáýirinde Jambyl oblysynda koronavırýstyń altynshy deregi tirkeldi.
«Naýqas Taraz qalasynyń 69 jastaǵy turǵyny. Ol aǵymdaǵy jyldyń 1 sáýirinde aýrý adammen baılanysta bolǵan tulǵa retinde statsıonarlyq karantınge jatqyzylǵan. Buǵan deıin vırýs anyqtalǵan 41 jastaǵy azamat onyń jaqyn týysy»,-dep jazylǵan vedomstvo habarlamasynda.
Odan alynǵan taldaýlar qorytyndysy oń nátıje kórsetti. Naýqas ınfektsııalyq statsıonarǵa aýystyryldy. Jaǵdaıy qanaǵattanarlyq, shaǵymdar joq, qajetti emdeý sharalary júrgizilýde.
