Tarazda 60 jastaǵy azamat óz baqshasynda marıhýana ósirgen
TARAZ. QazAqparat – Taraz qalasynyń turǵyny óz baqshasynda marıhýana ósirgen, dep habarlaıdy QazAqparat tilshisi.
«Karasora-2020» respýblıkalyq jedel aldyn alý sharasy kezinde Jambyl oblysy polıtsııa departamentiniń qyzmetkerleri óz baqshasynda quramynda esirtki bar ósimdikter ósirgen 60 jastaǵy Taraz azamatyn ustady. Bul týraly atalǵan departamenttiń baspasóz qyzmeti habarlady.
«Jalpy salmaǵy 60 keli bolatyn marıhýana tárkilendi. Ustalǵan azamat óz kinásin moıyndady. QR Qylmystyq kodeksiniń 300-baby, 1-bóligi boıynsha sotqa deıingi tergeý amaldary júrgizilýde.
Jambyl oblystyq polıtsııa departamenti turǵyndarǵa tyıym salynǵan ósimdikterdi nemese quramynda qarasora, kóknár nemese basqa da esirtki zattary bar ósimdikterdiń sorttaryn ósirý nemese egý úsh jyldan segiz jylǵa deıingi merzimge bas bostandyǵynan aıyrý jazasymen jazalanatyndyǵyn eskertedi»,-delingen vedomstvo habarlamasynda.
