Tarazda 6 jasar bala onynshy qabattan qulap qaıtys boldy
TARAZ. QazAqparat – Jambyl oblysy Taraz qalasynda 6 jasar bala kópqabatty turǵyn úıdiń terezesinen qulap qaıtys boldy, dep habarlaıdy QazAqparat tilshisi.
Ol týraly oblys oblystyq Tótenshe jaǵdaılar departamentiniń baspasóz qyzmeti habarlady.
«2020 jyldyń basynan beri Taraz qalasynda 5 bala terezeden qulap ketti. Olardyń tórteýi tiri, alaıda sońǵy oqıǵa qaıǵyly jaǵdaıǵa alyp keldi. Atap aıtsaq, 25 shildede alty jasar bala ata-anasynyń qaraýsyz qalyp on eki qabatty turǵyn úıdiń 10-qabatynyń terezesinen qulap, sol jerde qaıtys boldy», - deıdi departamenttiń baspasóz hatshysy Sáýle Muńataeva.
Sondaı-aq, departament mamandary turǵyndar men ata-analardy saq bolýǵa shaqyryp, terezelerge qorǵanys toryn ornatýdy kerektigin eskeredi.
«Bala terezeni ózdi asha almaıtyndaı etip terezelerge blokatorlardy ornatyńyzdar! Eshqashan shybyn-shirkeı toryna senim artpańyzdar! Olar qorǵamaıdy. Kerisinshe, masalarǵa arnalǵan tor qaıǵyly jaǵdaıǵa ákelip soǵady. Óıtkeni bala ózin qaýipsiz sezinip, oǵan súıenýge umtylady. Kóbine balalar osy tormen birge qulaıdy. Jazda ystyqta kóptegen ata-ana ashyq tereze bala úshin qaýipti ekenin umytyp ketedi. Barynsha saq bolǵan jón»,-delingen vedomstvo habarlamasynda.
