Tarazda 6 myńnan astam aǵashtar otyrǵyzyldy
TARAZ. QazAqparat - Jambyl oblysynyń turǵyndary Naýryz merekesin atap ótýge daıyndalýda jáne munda qalyptasqan dástúr boıynsha, jalpyǵa ortaq senbilik uıymdastyryldy, dep habarlaıdy QazAqparat tilshisi.
17 naýryzdy jambyldyqtar Alas kúni dep atap, Naýryz merekesi qarsańynda qalada tazalyq jumystaryn júrgizdi.
Taraz qalasy ákiminiń baspasóz qyzmetinen habarlanǵanyndaı, eldi mekenderdi kógaldandyrý men sanıtarlyq tazalyq jumystaryna qoǵam ókilderi, memlekettik qyzmetshiler qatysqan. Árbir uıymǵa tazalyq jumystaryn júrgizý úshin aımaqtar bólinip berildi.
«Tarazda búgin oblys jáne qalanyń birinshi basshylarynyń, ardagerler men qoǵam qaıratkerleriniń qatysýymen aǵashtar otyrǵyzyldy. Sıren, akatsııa, gúl salatyn aǵashtar at-Tarazı ortalyq meshitiniń, Tuńǵysh Prezıdent parkiniń jáne Qaırat Rysqulbekov parkiniń aldyna otyrǵyzyldy»,-dedi QazAqparat tilshisine Taraz qalasy ákiminiń baspasóz hatshysy Gúlbahram Dúısekova.
Senbilikke barlyǵy 8900 adam qatysyp, 6100 aǵash otyrǵyzylǵan. Ortaq iske 60-tan astam tehnıka jumyldyrylyp, 430 tonna qoqsyq shyǵarylǵan. 12 km aryq tazalanyp, 3 myń aǵash otyrǵyzyldy, dep túsindirdi Taraz qalasy ákimdiginiń baspasóz qyzmetindegiler.
Jambyl oblysynyń eldi mekenderine kógaldandyrý men kóriktendirý jumystaryna 30 myń adam qatysqan.
