Tarazda 555 biryńǵaı úlgidegi kottedj úıler salynady
TARAZ. QazAqparat – Taraz qalasynyń ákimi Qaırat Áskerbekuly «Óńirlik kommýnıkatsııalar qyzmetiniń» aqparat alańynda ótken brıfıngte memlekettik turǵyn úı baǵdarlamalary týraly baıandap, jýrnalısterdiń suraqtaryna jaýap berdi, dep habarlaıdy QazAqparat tilshisi.
Qala basshysy Taraz qalasyndaǵy Súleımenov kóshesiniń sońyndaǵy alqapta 555 jer teliminde jer telimderi belgilengendigin aıtyp, onda jeke ınvestorlar tarapynan nesıege beriletin biryńǵaı sáýlettik stıldegi kottedjdik úılerdiń qurylystary júrgiziletindigin jetkizdi. Búginde 255 jer telimi boıynsha 4 merdigermen kelisimshart jsalǵan. Atap aıtsaq, «KSS kontrakshın» JShS – 5, «RemStroı SS» JShS – 150, «Syrym Bileke» JShS – 50, «Dámdes» JShS – 50 kottedj salýy kózdelýde.
«Qazirgi tańda 14 úıdiń qurylystary aıaqtalyp, 4 úıge áleýetti satyp alýshy anyqtaldy. Budan bólek, qosymsha 26 úıdiń qurylysy júrgizilýde. Osy úılerdi satý maqsatynda 2006 jyly jer ýchaskesin alýǵa kezekte turǵan azamattarǵa túsindirý jumystary júrgizildi. Bul baǵyttaǵy jumystar kezeń – kezeńimen óz jalǵasyn tabatyn bolady»,-dedi Qaırat Dosaev.
