Tarazda 52 telefondy aǵashtyń arasyna tyǵyp, túrmege kirgizbek bolǵandar ustaldy
TARAZ. QazAqparat - Jambyl kolonııasynyń sottalǵandaryna smartfon satýǵa tyrysty, dep habarlaıdy QazAqparat.
15 maýsymda Jambyl oblysy boıynsha qylmystyq-atqarý júıesi departamentiniń JD-158/7 tótenshe qaýipsiz mekemesiniń qyzmetkerleri Ulttyq ulannyń áskerı qyzmetshilerimen birge iri sálemdemeni tárkiledi.
Jeke kásipkerdiń birine tıesili avtokólikti tekserý kezinde kolonııa qyzmetkerleri kesilgen aǵash materıaldarynyń arasynan jasyrylǵan 52 uıaly baılanys quralyn (27 smartfon men 25 túımeli uıaly telefon) taýyp alyp, zańsyz árekettiń joly kesti.
Sálemdeme folgaǵa myqtap jasyrylyp, aǵash bloktarǵa mórlengen.
Aldyn ala málimet boıynsha, tárkilengen telefondardy osy kolonııadaǵy sottalǵandar aqshaǵa «tapsyrys bergen».
Al jetkizýshi rejımdik obekt aýmaǵynda ornalasqan jeke kásipkerliktiń dırektory boldy.
Jumys isteýshi kásiporyn 2021 jylǵy aqpannan bastap mamandanǵan aǵash óńdeýmen aınalysyp, sottalǵandardy jumyspen qamtıdy.
Búginde munda 25 sottalǵan jumysqa ornalastyryldy.
«Alty aı ishinde JD-158/7 tótenshe qaýipsiz mekemesinde kolonııanyń búkil tarıhynda tyıym salynǵan zattardyń rekordtyq sany (137 uıaly telefon, 14 sım-karta, 26 zarıadtaý qurylǵysy, 5 batareıa, 15 jup qulaqqap jáne 2 USB-adapter) alyndy. Sońǵy ýaqytta aram pıǵyldy jeke kásipkerler men sottalǵandar arasyndaǵy jıilep ketken zańsyz mámile baqylaýdy kúsheıtýdi jáne kásiporyndar qyzmetin turaqty tekserýdi talap etedi. Mekemeniń baqylaý-ótkizý pýnktiniń jumysyn, ony ustaý rejımin jáne patrýldi kúsheıtýge qaramastan, zań buzýshylar olardy rejım obektisiniń aýmaǵyna jetkizýdiń túrli aıla-amaldaryn oılastyrady. Sonymen qatar, úlken avtokólikterdi tekserý jabdyqtarynyń joqtyǵyna qaramastan, mekeme qyzmetkerleri jedel aqparat boıynsha tyıym salynǵan zattardy ózderi anyqtaıdy», - dep atap ótti Jambyl oblysy boıynsha QAJD bastyǵynyń mindetin atqarýshy Teńizjan Jánibekov.
QAJD basshylyǵy atap ótkendeı, bul birinshi jaǵdaı emes. Osyǵan uqsas oqıǵa aǵymdaǵy jyldyń sáýir aıynda da boldy, onda 85 uıaly telefon tabylyp, tárkilendi.
Sonymen qatar, tártip buzýshylar sol júıe boıynsha jumys istedi.
Olar ony aǵash jetkizý syltaýymen tasymaldap, biraq ótken jyldyń qazan aıynan bastap kolonııa aýmaǵynda jumys isteıtin basqa aǵash óńdeý kásiporny úshin alyp júrgen.
Kásiporyn ıesi Qazaqstan Respýblıkasy ÁQBtK-niń 481-baby boıynsha ákimshilik jaýapkershilikke tartyldy, Jeke kásipkerlikpen kelisim shart buzyldy.
Osy jyldyń ózinde tyıym salynǵan zattardy ótkizý faktileri boıynsha 15 azamat ákimshilik, taǵy 13 adam qylmystyq jaýapkershilikke tartyldy.
