Tarazda 500 ónerpaz belgili kúılerdi birlesip oryndady
Kenen Ázirbaev atyndaǵy oblystyq fılormonııanyń uıymdastyrýymen ótken is-sharaǵa 500-den astam ónerpaz qatysty. Atalmysh fılarmonııanyń qazaq ult aspaptar orkestri de sharanyń kórigin qyzdyrdy. Barlyq qatysýshylar birlesip Túrkeshtiń «Kóńilashar» kúıin, QR Mádenıet qaıratkeri Aman Moldybaevtyń bastamasymen «Kóne Taraz» kúıin, kúıshi-kompozıtor, Qazaqstannyń eńbek sińirgen óner qaıratkeri Ábdimomyn Jeldibaevpen birlese «Erke sylqym» kúıin, Qurmanǵazy Saǵyrbaıulynyń «Balbyraýyn» jáne «Saryarqa» kúılerin sheberlikpen oryndap, tyńdaýshylardyń qulaq quryshyn qandyrdy.
«Ár qazaq úshin kıeli dombyra - ultymyzdyń sımvoly, qazaq kúıi - adam janyn tebirentedi, keremet sezimge bóleıdi, júrekti terbep, kóterińki kóńil kúı syılaıdy, tereń oılardy sózden artyq jetkizedi. Kóshpendiler zamanynda da solaı bolǵan, áli de solaı. Búgingi myna is-shara sonyń bir aıǵaǵy desek qatelespeımiz»,- deıdi belgili kúıshi-kompozıtor Ábdimomyn Jeldibaev.
