Tarazda 500-den astam oqýshy qatysqan esirtkige qarsy aktsııa ótti
TARAZ. QazAqparat – Jambyl oblysy polıtsııa departamentiniń esirtki qylmysyna qarsy is-qımyl basqarmasynyń uıymdastyrýymen «Qazaqstan esirtkige qarsy!» aktsııasy ótti. Oǵan Taraz qalasyndaǵy 500-den astam oqýshy qatysty, dep habarlaıdy QazAqparat tilshisi.
Sharanyń maqsaty jastar arasynda salaýatty ómir saltyn nasıhattaýǵa jáne esirtkiniń taralýyna jáne olardyń sıntetıkalyq túrlerine qarsy kúres sharalaryn kúsheıtýge baǵyttaldy.
S. Nurmaǵambetov atyndaǵy №10 orta mektep aýlasynda ótken is-shara Jambyl oblysy ІІD JPB qyzmetkerleri nashaqorlyqtyń aldyn alý boıynsha polıtsııa podpolkovnıgi B. Tastambekov pen polıtsııa kapıtany A. Kaýkeshova balalarǵa sıntetıkalyq esirtki zattaryndaǵy qaýiptilik týraly aıtyp berdi. Sondaı-aq naqty mysaldar keltirip, balalardy esirtki zattarymen baılanysty nárselerge boı aldyrmaýǵa shaqyrdy. Odan keıin kınologııalyq qyzmet ortalyǵynyń kishi ınspektory polıtsııa starshınasy A. Mýftoogly oqýshylarǵa ıisshil ıttiń esirtkini izdestirýdegi iskerligin kórsetti.
Óz kezeginde mektep oqýshylary merekelik kontserttik baǵdarlama daıyndady.
