Tarazda 50 adamǵa arnalǵan toı taratyldy

TARAZ. QazAqparat – Kezekti reıdtik is-sharalar barysynda Taraz qalasy polıtsııa basqarmasynyń qyzmetkerleri jáne tórt mobıldi top «Grand Royal» meıramhanasynda 50 adamǵa arnalǵan otbasylyq saltanatty keshtiń ótkizilý deregin anyqtady,-dep habarlaıdy QazAqparat tilshisi.

Toıdy uıymdastyrýshyǵa qatysty Qazaqstan Respýblıkasy Ákimshilik quqyq buzýshylyq týraly kodeksiniń 425-baby (Halyqtyń sanıtarlyq-epıdemıologııalyq salaýattylyǵy salasyndaǵy zańnama talaptaryn, sondaı-aq gıgıenalyq normatıvterdi buzý) boıynsha materıal jınalyp, buzýshyny ákimshilik jaýapkershilikke tartý úshin sanıtarlyq-epıdemıologııalyq qyzmet qadaǵalaý ornyna jiberildi.

«Jalpy jyl basynan beri túrli menshik nysanyndaǵy reıdtik tekserýlermen nysandarda 663 buzýshylyq anyqtaldy. Taýarlar men qyzmetterdiń sapasy men qaýipsizdigin baqylaý basqarmasy QR ÁQBtK -niń 425-baby boıynsha jalpy somasy 69 907 847 teńge kólminde oıyn-saýyq mekemeleri men ózge de menshik nysandarynyń 312 ıesin jaýapkershilikke tartty», - dep málimdedi Polıtsııa departamenti Jergilikti polıtsııa qyzmeti basqarmasynyń bastyǵy Rahymberdi Áshkeev.