Tarazda 5 mln. teńgeniń daýy medıatıvtik kelisimmen retteldi
ASTANA. QazAqparat - Jambyl oblysynyń mamandandyrylǵan aýdanaralyq ekonomıkalyq sotyna jeke kásipker E. jaýapker «K» ShJQ RMK-nan 4 899 440 teńge (qaryz) jáne 132 285 teńge (ósimpul) somasyn óndirý týraly talabymen júgindi.
Іsti sot talqylaýyna daıyndaý satysynda jekelegen sanattar boıynsha daýlardy (janjaldardy) medıatsııa tártibimen sotqa deıingi retteýdi engizý boıynsha pılottyq jobanyń sheńberinde taraptarǵa daýdy medıatsııa tártibimen retteýdiń quqyqtary túsindirildi.
Sýdıa-medıatordyń qatysýymen talap qoıýshy men jaýapker arasynda medıatsııalyq kelisim jasaldy. Kelisim boıynsha talap qoıýshy jaýapkerge qaryzdy tóleý úshin 2017 jyldyń 31 naýryzyna deıin ýaqyt berýge kelisti. Óz kezeginde, jaýapker jetkizilgen taýardyń jalpy somasy 4 899 440 teńgeni talap qoıýshynyń esep shotyna 2017 jyldyń 31 naýryzyna deıin aýdarýǵa mindetteme aldy.
Talap qoıýshyǵa tólengen 50317 teńge memlekettik baj salyǵy qaıtaryldy.
Sot uıǵarymymen medıatsııalyq kelisim bekitildi, azamattyq is boıynsha is júrgizý toqtatyldy.
Sot uıǵarymy zańdy kúshine engen joq.
