Tarazda 47 kópbalaly ana «Altyn alqa» jáne «Kúmis alqamen» marapattaldy
TARAZ. QazAqparat – Taraz qalasy boıynsha búgingi tańda 2510 «Altyn alqa», 1854 «Kúmis alqa» ıegerleri bar. Olardyń qatary taǵy da tolyqty, dep habarlaıdy QazAqparat.
Taraz qalasy ákimdiginiń májilis zalynda qalanyń 36 anasyn «Kúmis alqamen», 11 anasyn «Altyn alqamen» marapattaý saltanaty ótti.
Urpaǵynyń sanyn arttyryp, el demografııasyna úles qosqan aq jaýlyqty analardy Taraz qalasynyń ákimi Qaırat Dosaev qabyldap, Elbasynyń Jarlyǵyna sáıkes analarǵa Altyn jáne Kúmis alqalar tabystady.
«Qazaq halqy árqashan otbasylyq qundylyqtardy joǵary qoıǵan. Ásirese, altyn qursaqty analardy halqymyz erekshe qadirleıdi. Otbasynyń altyn dińgegi bolyp, taǵylymdy tárbıe, izgi dástúrler sabaqtastyǵyn jalǵap júre berińizder», - dedi quttyqtaý sózinde qala ákimi.
Іs-shara barysynda aq jarma tilekter aıtylyp, kópbalaly analar memleket tarapynan ana men balaǵa jasalyp otyrǵan qamqorlyqqa alǵystaryn aıtty.
Eske salaıyq, «Altyn alqa» jáne «Kúmis alqa» 1993 jyly QR Prezıdenti Nursultan Nazarbaevtyń Jarlyǵymen bekitilgen. «Altyn alqa» nagradasy jyl saıyn jeti jáne odan artyq balany, al «Kúmis alqa» alty bala tárbıelep ósirgen analarǵa beriledi.
