Tarazda 4 mln teńgeden astam alıment tólemegen adam anyqtalyp, sotqa deıingi tergeý bastaldy

TARAZ. KAZINFORM – Taraz qalasynyń prokýratýrasy taldaý aıasynda 2019 jyldan beri dáleldi sebeptersiz 4 mln teńgeden astam alıment bereshegin tólemegen boryshkerdi anyqtady.

Sot sheshimin tıisinshe oryndamaǵany úshin boryshker birneshe ret ákimshilik jaýapkershilikke tartylǵan.

«09.09.2024 jyly osy fakti boıynsha qala prokýratýrasy QK-niń 139-baby boıynsha sotqa deıingi tergep-tekserýdi bastady. QPK-niń 201-babyna sáıkes ózge de aqparat jarııa etýge jatpaıdy», - delingen Jambyl oblysy prokýratýrasy habarlamasynda.

2024 jyldyń ótken kezeńinde qala prokýratýrasy 30 boryshkerdi ákimshilik jaýapkershilikke tartyp, 41 mln teńge kóleminde alıment bereshegin óndirdi.

Prokýratýra alıment tóleýden jaltarǵan boryshkerlerge QK-niń 139-babyna sáıkes 2 jylǵa deıingi merzimge bas bostandyǵynan aıyrý jazasy qarastyrylǵanyn eskertedi.

Aqtóbede alıment tólemegen 6 boryshker qylmystyq jaýapqa tartylǵanyn jazǵan bolatynbyz.