Tarazda 3 jasar balany poıyz basyp ketti
TARAZ. QazAqparat – Taraz qalasynda úsh jasar qyzdy júk poıyzy basyp ketti, dep habarlaıdy QazAqparat tilshisi.
Aýyr jaraqat alǵan sábı oqıǵa ornynda kóz jumdy. Qaıǵyly jaǵdaı Qumshaǵal beketinde oryn alǵan.
Taraz stantsııasy jelilik polıtsııa ókilderiniń aıtýynsha, qyzdyń anasy temirjolda turǵan vagondardyń astynan ótpek bolǵan. Sol mezette poıyz qozǵalyp ketip búldirshindi basyp ketken. Qazir balanyń anasymen psıhologtar jumys istep jatyr.
Atalǵan derekke qatysty qylmystyq is qozǵalǵan.
«Bul fakti boıynsha QR Qylmystyq kodeksiniń 344-babynyń 2-bóligi, ıaǵnı temirjol kóliginiń qozǵalys jáne paıdalaný qaǵıdalaryn buzý boıynsha sotqa deıingi tergeý amaldary bastaldy. Qazirgi ýaqytta osy is boıynsha qajetti tergeý amaldary júrgizilýde»,- delingen Kóliktegi polıtsııa departamenti baspasóz qyzmetiniń habarlamasynda.
