Tarazda 3 jasar bala tórt ıne men sydyrmanyń júgirtpesin jutyp qoıǵan
Kishkentaı patsıentti bas dárigerdiń orynbasarlary Seıdahmet Shynybekov jáne Máýlim Kenjaly emdedi.
Jambyl oblystyq kópbeıindi balalar aýrýhanasynda qoldanylatyn progressıvti endoskopııalyq tehnıka deneden artyq zattardy alyp tastaýǵa múmkindik beredi.
Sonymen, ish qýysynyń sholý rentgenogrammasy arqyly júgirtpe men asqazannyń proektsııasynan eki tigin ınesi tabyldy.
EFGDS emsharasyn júrgizý kezinde asqazannan bir ıne alynyp tastaldy, júgirtpe bolmady.
Patsıent mamandardyń baqylaýymen BA hırýrgııalyq bólimshesinde qaldy. Nátıjesinde júgirtpe nájispen birge shyqty. Al ekinshi ıne shyqpady.
«Іsh qýysynyń baqylaý R-grammasynda ishtiń joǵarǵy jaǵynda taǵy 2 ıne jáne jambas proektsııasynda 1 ıne turdy. Qaıtadan EFGDS jasalyp, asqazannan ıne alynyp tastaldy. Sodan keıin kolonoskopııanyń kómegimen sıgma tárizdi ishekke qadalǵan ıne alynyp tastalady»,-dedi joǵary sanatty hırýrg-dáriger Seıdahmet Baıdýllauly.
Bala baqylaýda boldy. Іshtiń baqylaý R–grammasynda jambas proektsııasynda tórtinshi ıne tabyldy.
Kolonoskopııa jasalyp, ushy ishektiń shyryshty qabyǵyna qadalǵan sıgma tárizdi ishekten sońǵy ıne alynyp tastaldy. Qazirgi ýaqytta bala úıge shyǵaryldy.
Bul jaǵdaı belgili bir qorytyndy jasaýǵa múmkindik beredi. Birinshiden, 8 kúnniń ishinde asqazan-ishek joldary arqyly tórt ıne kirgen.
Ekinshiden, dárigerler endoskopııalyq jabdyqty paıdalana otyryp, biregeı operatsııalar jasady jáne kóp qan joǵaltý jáne uzaq qalpyna keltirge týra keletin hırýrgııalyq emdeýge júginbesten deneden qaýipti zattardy alyp tastady.
«Kez kelgen aýrýdy emdeýdiń eń jaqsy ádisi - onyń profılaktıkasy. Ata-analar balanyń bógde zatty jutyp qoıýyna jol bermeýi tıis. Sharmen nemese monetamen oınaýǵa bolmaıdy. Oıynshyqtar usaq bólsheksiz jáne jasyna sáıkes bolýy kerek», - dedi Máýlim Qazıuly.
Foto: t.me/DenMinPR