Tarazda 29 jastaǵy jigittiń ólimine qatysty kúdikti ustaldy
TARAZ. QazAqparat – Tarazda asa aýyr qylmys jasaǵan qylmysker ustaldy, dep habarlaıdy QazAqparat oblystyq Polıtsııa departamentiniń baspasóz qyzmetine silteme jasap.
«26 shilde kúni tańǵy saǵat 02.10 shamasynda Taraz qalasynyń №1 qalalyq aýrýhanasyna 29 jastaǵy er adam túsip, alǵan pyshaq jaraqatynan qaıtys boldy. Belgili bolǵandaı, janjal týyndaǵan kezde beıtanys adam jábirlenýshiniń keýdesine pyshaq salǵan. Taraz qalalyq polıtsııa basqarmasynyń № 2 polıtsııa bóliminiń qyzmetkerleri kúdikti retinde Taraz qalasynyń 34 jastaǵy turǵynyn ustady»,-delingen vedomstvo habarlamasynda.
Oblystyq polıtsııa departamenti bastyǵynyń orynbasary Temirbek Orazymbetovtyń aıtýynsha, qolǵa túsken kúdikti ýaqytsha ustaý ızolıatoryna qamaýǵa alynǵan.
Atalǵan fakti boıynsha QR QK 99-baby 1-bóligi boıynsha sotqa deıingi tergeý bastaldy. Sot-medıtsınalyq saraptama taǵaıyndaldy.
