Tarazda 220 metrlik sýburqaq bar
TARAZ. QazAqparat - Elimizdegi eń uzyn jáne erekshe sýburqaq Taraz qalasynda ornalasqan. Byltyr qala kúni qarsańynda kóne shahar turǵyndaryna tamasha tartý bolǵan 220 metrlik sýburqaǵy «Jeltoqsan tolqyny» dep atalady, - dep habarlaıdy QazAqparat tilshisi.
«Jeltoqsan tolqyny» túrli-tústi sý sýburqaǵy 220 metrlik 3 kaskadtan turady. bastalǵan alǵashqy tolqyny 86 degen monýmentaldy maftan bastalady. Burqaqtyń boıyna Táýelsizdigimizdiń sımvoldary sanalatyn barlyǵy 14 dana barys, qyran qus, pyraq músinderi ornatylǵan.
Bul sýburqaq dál osyndaı ataýmen atalatyn alleıada oryn tepken. Atalmysh alleıany ótken jyly tolyǵymen jańǵyrtylǵan. Qaıta jańǵyrtý jumystary nysandy Qaırat Rysqulbekov saıabaǵymen baılanystyrý jáne birizdendirý maqsatynda júrgizilgen bolatyn. Jalpy, jobanyń eskızi «Spektr Energi Group» JShS tarapynan ázirlengen. Eni 20 metr, uzyndyǵy 240 metr bolatyn alleıanyń aýmaǵy 0,5 gektardy quraıdy. Joba quny 284 mıllıon teńgege aınalǵan.
Aıta keteıik, alleıada 120 pavlovnııa aǵashy otyrǵyzylyp, 22 jaryq shamdary, kún sáýlesinen qýat alatyn 4 dana batareıa, 10 dana smart oryndyqtaryna ınternet jelisine qosylatyn qurylǵylar (wi-fi), 48 oryndyq men qoqys tastaıtyn jáshikter ornatylǵan.
