Tarazda 2017 jylǵa deıin 327 otbasy jańa páterge qonystanatyn bolady
TARAZ. QazAqparat - Tarazda «Báıterek Development» AQ «Nurly jol» memlekettik baǵdarlamasy aıasynda salynyp jatqan kóppáterli turǵyn úıdiń qurylysyn bitirýge taıap qaldy, dep habarlaıdy «QazAqparat» HAA tilshisi.
Bul týraly Tarazda óńirlik kommýnıkatsııalar qyzmetinde ótken brıfıngte «Báıterek Development» AQ dırektory Asyljan Kurtaev málim etti.
«Bul úshin nesıege jáne arendaǵa beriletin turǵyn úı qurylysy baǵytyndaǵy negizgi operatorlardyń biri retinde bizdiń aktsıonerlik qoǵamǵa 113 mlrd. teńge bólindi.
Taǵy 67 mlrd. teńge qurylysty qarjylandyrý úshin jergilikti atqarýshy bılik arqyly qarastyryldy».
Spıkeriniń sózine qaraǵanda, AQ Tarazda 395 páter qurylysyna ınvestıtsııa salýǵa jeke qurylys salýshylarmen 5 shart jasasqan jáne 2016-2017 jyldary 22,5 myń sharshy metr turǵyn úı turǵyzýdy josparlap otyr.
Aıta keter jaıt, 1 sharshy metrdiń baǵasy 131 myńnan 145 myń teńge aralyǵynda.
«Arendalyq turǵyn úı ákimdikte tirkelgen áleýmettik jaǵdaı tómen otbasylaryna beriledi»,-dep túsindirdi spıker.
«Al saıynǵy arendaǵa tólem sharshy metrine 1 110 teńgeden bolmaq.
