Tarazda 2 jedel járdem kóligi soqtyǵysyp, bir kólik aýdarylyp qaldy
TARAZ. QazAqparat – Taraz qalasynda eki jedel járdem kóligi soǵysyp, bes adam aýrýhanaǵa jetkizildi, dep habarlaıdy QazAqparat.
Oblys ortalyǵyndaǵy Tóle bı jáne Qoıgeldi kósheleriniń qıylysynda eki jedel járdem kóliginiń soǵysýymen jol-kólik oqıǵasy tirkeldi. Bul týraly oblystyq polıtsııa departamenti áleýmettik jelidegi paraqshasynda jarııalady.
«Jol qıylysynda qyzyl jaryqtan ótken bireýi ekinshisin qaǵyp ketti. Soqqy saldarynan kólikterdiń bireýi bir jaǵyna qaraı aýdarylyp ketti. Ár túrli dárejedegi jaraqat alǵan bes adam Ortalyq qalalyq aýrýhanaǵa jetkizildi. Tıisti saraptamalar taǵaıyndaldy», -delingen vedomstvo habarlamasynda.
