Tarazda 2 jasar bala ekinshi qabattyń terezesinen qulap ketti
ASTANA. QazAqparat - Taraza 2 jasar qyz bala ekinshi qabattyń terezesinen qulap ketti, dep habarlaıdy QazAqparat QR ІІM TJK baspasóz qyzmetine silteme jasap.
«12 mamyrda Taraz qalasynda kúndiz saǵat 11-ler shamasynda eki qabatty jeke úıde ata-anasynyń qaraýynsyz qalǵan eki jasar qyz bala baıqaýsyzda ekinshi qabattyń terezesinen qulap ketken. Qazir bala aýrýhanaǵa jatqyzyldy», - delingen habarlamada.
Qutqarýshylar úıde kishkentaı bala bolǵanda terezeni ashyq qaldyrmaýdy, tereze shybyn-shirkeıge qarsy torlanǵan bolsa bekitpe ornatý, bolmasa bala terezeni asha almaıtyndaıy arnaıy qulyp salý, balalardyń úlkenderine kishkentaılardy qadaǵalaýdy úıretýdi suraıdy. Tipti bolmaǵan jaǵdaıda balany úıde qaldyrmaı ata-ana ózimen birge ala ketýi kerek.
