Tarazda 2 myńnan asa jasóspirimniń quqyǵy buzylǵan
TARAZ. QazAqparat - Taraz qalasynyń prokýratýra qyzmetkerleri kámelettik jasqa tolmaǵan 2 myńnan asa turǵynnyń áleýmettik kómek alý quqyqtary buzylǵandyǵyn anyqtady, dep habarlaıdy QazAqparat.
Atap aıtar bolsaq, jergirgilikti atqarýshy organ ata-ana qamqorlyǵynsyz qalǵan jáne damýynda aýytqýshylyǵy bar jetkinshekterge oqý kezinde qoǵamdyq kólikte júrý úshin zańnamamen qarastyrylǵan ótemaqyny tólemegen.
Sondaı-aq «Bolashaq», «Meıirim» jáne aqyl-esi kem balalarǵa arnalǵan úsh mektep-ınternatta oqýshylarǵa tegin berilýi tıis tamaq pen kıim de berilmegen. Oqý oryndarynyń ákimshiligi bıýdjetti josparlaý kezinde bul maqsattarǵa arnaıy qarajat qarastyrmapty.
«Jol berilgen zań buzýshylyqtar úshin 10 laýazymdy tulǵa tártiptik jaýapkershilikke tartyldy, al eki ınternat jáne oblystyq bilim basqarmasynyń basshylaryna 110 AEK kóleminde ákimshilik aıyppul salynǵan»,-deıdi oblys prokýrorynyń aǵa kómekshisi Qaısar Bekmuratov.
