Tarazda 18 jastaǵy jigitten qorǵanys quraldary tabyldy

TARAZ. QazAqparat – Tarazdyq polıtseıler 18 jastaǵy jigitten arnaıy qorǵanys quraldaryn tapty, dep habarlaıdy QazAqparat tilshisi.

Taraz qalalyq Polıtsııa basqarmasynyń qyzmetkerlerimen qala aýmaǵynda qarý-jaryq pen oq-dárilerdi izdestirý kezinde jalǵa alynǵan páterlerdiń birinen urlanǵan arnaıy qorǵanys quraldary tabyldy.

«Páterdi jalǵa alýshy 18 jastaǵy jigit atalǵan zattardy ortalyq alańda bolǵan tártipsizdik kezinde urlaǵandyǵyn moıyndady. Qazirgi ýaqytta kúdiktiniń jeke basyn anyqtaý jumystary men onyń jappaı bassyzdyqtarǵa qatystylyǵy tekserilýde» delingen vedomstvo habarlamasynda.