Tarazda 15 jylǵa sottalǵan polıtsııa eks-polkovnıgi bostandyqqa shyqty
TARAZ. QazAqparat - Ótken jyly Tarazdaǵy eldi dúrliktirgen oqıǵanyń basty keıipkeri bostandyqqa shyqty, dep habarlaıdy «QazAqparat» HAA tilshisi Jambyl oblystyq sotyna silteme jasap.
Vedomostvonyń málimetinshe, oblystyq sottyń qylmystyq ister jónindegi alqa soty 2017 jyldyń sońynda shyǵarylǵan úkimdi qaıta qaraǵan. Sot «densaýlyqqa ádeıi zııan keltirý jáne «buzaqylyq» jasaýdy aýystyrýǵa bolady dep tapty.
Eske sala ketsek, 2017 jyly qarashada Jambyl oblysynyń Qylmystyq ister jónindegi mamandandyrylǵan aýdanaralyq sotynda sot protsesi ótken bolatyn. Onda Tarazdyń ortalyǵynda túngi mezgilde qyzara bórtkenderdiń arasynda týyndaǵan janjalda vıdeokameraǵa túsip qalǵan Jambyl oblysy ІІD basqarmasy bastyǵynyń isi qaralǵan edi. Ol - Ekstemızmge qarsy kúres basqarmasynyń bastyǵy Murat Ýmbetálıev pen krımınaldyq polıtsııa bastyǵy Erlan Bekturǵanov jáne burynǵy polıtseı, qazirgi tańda Baızaq aýdandyq halyqqa qyzmet kórsetý ortalyǵyn basqaratyn Marsel Jetpisbaevtyń arasyndaǵy tóbeleske baılanysty bolǵan. Onyń barysynda Úmbetalıev ózine shabýyl jasaǵan ekeýge pyshaq salyp jaraqattaǵan. Saldarynan M. Jetbisbaev jansaqtaý bólimine tústi.
Sot sheshimimen M. Úmbetálıev 15 jylǵa bas bostandyǵynan aıyrylǵan edi.
