Tarazda 15 jastaǵy jasóspirim sýıtsıd jasady
TARAZ. KAZINFORM – Óz-ózine qol jumsaý sebebin polıtsııa qyzmetkerleri anyqtap jatyr, dep habarlaıdy Kazinform agenttiginiń tilshisi.
Kýágerlerdiń aıtýynsha, jasóspirimniń denesin onyń kenje qaryndasy taýyp alǵan. Jedel járdem birden shaqyrylǵanymen, mektep oqýshysyn qutqarý múmkin bolmady.
Qazirgi tańda birneshe nusqa qarastyrylyp jatyr, sonyń ishinde otbasylyq janjal da bar. Sondaı-aq jasóspirim ómirimen qosh aıtyspaq bolmaǵan, tek týystaryn qorqytpaq bolǵan degen nusqa da aıtylýda.
— Taraz qalasynda kámeletke tolmaǵan balanyń máıiti tabylǵan fakti boıynsha Qylmystyq kodeksiniń «Óz-ózine qol jumsaýǵa deıin jetkizý» baby boıynsha qylmystyq is qozǵaldy. Oqıǵanyń mán-jaıyn anyqtaý úshin polıtsııa qyzmetkerleri qajetti tergeý sharalaryn júrgizip jatyr, — dep habarlady oblystyq polıtsııa departamenti.
Qajetti sot-medıtsınalyq saraptamalar taǵaıyndaldy, týystary men kórshileri suralýda.
Buǵan deıin Atyraý oblysynda eki jasóspirimniń sýıtsıd jasaǵany habarlanǵan bolatyn.