Tarazda 13 jasar bala qos qoldap amandaspaǵan qurdasynyń qolyn syndyrdy
Jambyl oblystyq polıtsııa departamenti baspasóz qyzmetiniń málimetinshe, osy jyldyń 14 aqpanynda Taraz polıtsııasynyń 2-shi qalalyq bólimine jergilikti turǵyn shaǵym túsirdi.
«Áıeldiń aıtýynsha, 27 qańtarda saǵat 19:00-de 13 jasar jasóspirim onyń ulyn jaraqattaǵan. Atalǵan fakti boıynsha QR QK 1-bóligi 107-baby boıynsha sotqa deıingi tergeý bastaldy. Barlyq qajetti tergeý áreketteri júrgizildi, alaıda QR QK 15-baby boıynsha 16 jasqa tolmaǵan tulǵa qylmystyq jaýapqa tartylmaıdy», - dedi vedomstvodan.
Polıtsııa qyzmetkerleri 13 jastaǵy kámeletke tolmaǵan quqyq buzýshynyń ata-anasyna qatysty QR ÁQBtK-niń 127-baby 3-bóligi boıynsha ákimshilik hattama toltyryp, 103 500 teńge (30 AEK) mólsherinde aıyppul saldy.
Belgili bolǵandaı, jasóspirimge qurdasynyń amandasqany unamaı qalǵan, ıaǵnı eki qolmen amandaspaǵy úshin ol osylaı jazalaǵan. Endi quqyq buzýshy Taraz qalasy polıtsııa basqarmasynyń 2-shi polıtsııa bólimine profılaktıkalyq esepke qoıyldy.