Tarazda 12 jasar bala sýǵa ketti
TARAZ. QazAqparat - Tarazda 2007 jyly týǵan jasóspirim sýǵa batyp, kóz jumdy, dep habarlaıdy QazAqparat tilshisi.
Bul týraly oblystyq tótenshe jaǵdaılar departamentiniń baspasóz qyzmeti málimdedi.
«2007 jyly týǵan jasósipirim qala aýmaǵyna qarasty «Qapal» kanalynda sýǵa shomylyp júrip, batyp ketken. Máıitti 28 mamyr kúni túski saǵat 14:00 shamasynda Jedel qutqarý jasaǵynyń qutqarýshylary sýdan shyǵarǵan» delingen málimette.
Aıta keteıik, qutqarý-izdestirý jumystaryna tótenshe jaǵdaılar departamenti men PB kezekshi jedel-tergeý tobynan 10 qyzmetker men 2 tehnıka jumyldyrylǵan. Alaıda balany aman alý múmkin bolmady.
