Tarazda 10 jasar qyz bala terezeden qulap ketti
TARAZ. QazAqparat - Oblys ortalyǵynda qaıǵyly oqıǵa oryn aldy, dep habarlaıdy QazAqparat tilshisi oblystyq tótenshe jaǵdaılar departamentiniń baspasóz qyzmetine silteme jasap.
«9 shilde kúni kúndizgi saǵat 14:30-da «Qarataý» móltek aýdanynda oqys oqıǵa boldy. Úıde úlkenderdiń baqylaýynsyz qalyp qoıǵan on jasar qyz bala kópqabatty úıdiń ekinshi qabatyndaǵy terezeden qulap ketken», - dep habarlady vedomstvodan.
Jetkinshek aýyr jaraqattarmen Taraz qalasyndaǵy oblystyq balalar aýrýhanasyna jetkizildi. Dárigerlerdiń aıtýynsha, qyzdyń súıekteri birneshe jerinen synǵan.
Jambyl oblystyq TJD ata-analarǵa barynsha muqııat bolyp, balalardy kózden tasa qylmaý kerektigin eskertedi. Ásirese qazirgi jazǵy demalys kezinde balalar kóp jaǵdaıda úıde eresekterdiń qaraýynsyz, ózderi ǵana qalady.
Avtor: Galına Skrıpnık
